قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى № 494

2015 جىلعى 28 ءساۋىر, استانا قالاسى تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرس وتكىزۋ قاعيدالارىن بەكىتۋ تۋرالى «تەلەراديو حابارلارىن تاراتۋ تۋرالى» 2012 جىلعى 18 قاڭتارداعى قازاقستان رەسپۋبليكاسى زاڭىنىڭ 7-بابى 1-تارماعىنىڭ 16) تارماقشاسىنا سايكەس بۇيىرامىن: 1. قوسا بەرiلiپ وتىرعان تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرس وتكىزۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگى بايلانىس, اقپاراتتاندىرۋ جانە اقپارات كوميتەتى (س.س. سارسەنوۆ): 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن 10 جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيcترىنە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا. يسەكەشەۆ. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 28 ساۋىردەگى № 494 بۇيرىعىمەن بەكىتىلگەن تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرس وتكىزۋ قاعيدالارى جالپى ەرەجەلەر 1. تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرس وتكىزۋ قاعيدالارى (بۇدان ءارى – قاعيدالار) «تەلەراديو حابارلارىن تاراتۋ تۋرالى» 2012 جىلعى 18 قاڭتارداعى قازاقستان رەسپۋبليكاسى زاڭىنىڭ 7-بابى 1-تارماعىنىڭ 16) تارماقشاسىنا سايكەس ازىرلەندى جانە  تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرس (بۇدان ءارى – كونكۋرس) وتكىزۋ ءتارتiبiن ايقىندايدى. 2. تەلە-, راديوكومپانيالاردىڭ كونكۋرسقا قاتىسۋعا ۇمىتكەرلەردىڭ (بۇدان ءارى – ۇمىتكەرلەر) وتىنىمدەرىن قاراۋ جانە جەڭىمپازداردى ايقىنداۋ جونىندە ۇسىنىمدار ازىرلەۋ تەلەراديو حابارلارىن تاراتۋدى دامىتۋ ماسەلەلەرى جونىندەگى كوميسسيا (بۇدان ءارى – كوميسسيا) جۇزەگە اسىرادى. 2. كونكۋرستى وتكىزۋ ءتارتىبى 3. كوميسسيانىڭ جۇمىس ورگانى بولىپ تابىلاتىن ۋاكىلەتتى ورگان كونكۋرستى وتكىزۋدىڭ ۇيىمداستىرۋشىسى رەتىندە ارەكەت ەتەدى. 4. تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالار تىزبەسىن (بۇدان ءارى – تىزبە) قالىپتاستىرۋ كوپ ارنالى حابار تاراتۋدىڭ ورتاسىنا (تسيفرلىق ەفيرلى, سپۋتنيكتىك تەلەراديو حابارلارىن تاراتۋ) بايلانىستى جۇزەگە اسىرىلادى. 5. كونكۋرستى وتكىزۋ تۋرالى شەشىمدى ۋاكىلەتتى ورگان قابىلدايدى. 6. كونكۋرستى وتكىزۋ تۋرالى اقپاراتتىق حابارلاما ونىڭ وتكىزىلۋىنە كەمىندە كۇنتىزبەلىك جيىرما كۇن قالعاندا بۇقارالىق اقپارات قۇرالدارىندا جانە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ www.mid.gov.kz ينتەرنەت-رەسۋرسىندا جاريالانادى. 7. اقپاراتتىق حابارلاما مىناداي مالىمەتتەردى قامتيدى: 1) كونكۋرستى وتكىزۋ ۋاقىتى, كۇنى مەن ورنى; 2) ەلدى مەكەندەردىڭ (اۋماعى) اتاۋى كورسەتىلگەن راديوتەلەۆيزيالىق ستانتسيالار تۋرالى مالىمەتتەر; 3) وسى قاعيدالاردىڭ 1 قوسىمشادا كوزدەلگەن نىسانعا تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىنە قوسۋعا وتىنىمدەردى (بۇدان ءارى – ءوتىنىم) قابىلداۋ ورنى جانە وتىنىمدەردى قابىلداۋدى باستاۋ مەن اياقتاۋ مەرزىمدەرى. 8. ۇمىتكەر ءوتىنىمى سايكەس كەلمەگەن جاعدايدا, وسى قاعيدالاردىڭ 2 قوسىمشاسىندا كوزدەلگەن ۇمىتكەرلەردىڭ كونكۋرستىق ۇسىنىستارىن (بۇدان ءارى - كونكۋرستىق ۇسىنىستار) ۇسىنباعان جاعدايدا كونكۋرسقا قاتىسۋعا جىبەرىلمەيدى. 9. ۇمىتكەردىڭ كونكۋرسقا قاتىسۋعا بەرگەن ءوتىنىمى ونىڭ وسى قاعيدالاردا بەلگىلەنگەن جانە كونكۋرستى وتكىزۋ تۋرالى اقپاراتتىق حابارلامادا جاريالانعان شارتتاردا كونكۋرسقا قاتىسۋعا نيەتىن بىلدىرەدى. 10. تىركەلگەن ءوتىنىم كەرى قايتارىلىپ الىنعان جاعدايدا, ۇمىتكەر ۇيىمداستىرۋشىعا جازباشا تۇردە حابارلاما جىبەرەدى. 11. كونكۋرسقا قاتىسۋعا ءوتىنىم بەرۋدى ۇمىتكەردىڭ اتىنان ارەكەت ەتۋگە ونىڭ قۇقىعىن كۋالاندىراتىن تيىسىنشە راسىمدەلگەن سەنىمحاتتى كورسەتۋ ارقىلى ۇمىتكەردىڭ وكىلى جۇزەگە اسىرادى. 12. كونكۋرس وتكىزۋ تۋرالى اقپاراتتىق حابارلامادا كورسەتىلگەن وتىنىمدەر قابىلداۋ مەرزىمى اياقتالعاننان كەيىن كونكۋرسقا قاتىسۋعا كەلىپ تۇسكەن وتىنىمدەر جانە كونكۋرستىق ۇسىنىستار قابىلدانبايدى. سەبەپتەرىن كورسەتە وتىرىپ, ءوتىنىمدى قابىلداۋدان باس تارتۋ تۋرالى بەلگىنى قۇجات قابىلداۋدى جۇزەگە اسىراتىن تۇلعا ۇسىنىلعان وتىنىمگە قويادى. 13. ۇيىمداستىرۋشى ۇمىتكەرلەردىڭ كونكۋرسقا قاتىسۋعا ۇسىنعان وتىنىمدەرى مەن ولارعا قوسا بەرىلگەن كونكۋرستىق ۇسىنىستار, سونداي-اق ءوتىنىم بەرگەن تۇلعالار مەن ولار ۇسىنعان قۇجاتتاردىڭ مازمۇنى تۋرالى قۇپيالىلىقتىڭ ساقتالۋىن قامتاماسىز ەتۋ جونىندە شارالار قابىلدايدى. 14. وتىنىمدەر جانە كونكۋرستىق ۇسىنىستار تىگىلگەن, بەتتەرى نومىرلەنگەن جانە سوڭعى بەتى ونىڭ قولىمەن جانە مورىمەن (جەكە تۇلعا ءۇشىن, ەگەر بولسا) كۋالاندىرىلعان تۇردە ءمور باسىلعان كونۆەرتتە ۇيىمداستىرۋشىنىڭ مەكەنجايىنا ۇسىنىلادى. 15. كوميسسيا كونكۋرستى وتكىزۋ تۋرالى اقپاراتتىق باعدارلامادا كورسەتىلگەن مەرزىمدە جانە ورىندا ۇمىتكەرلەر مەن ولاردىڭ وكىلدەرىنىڭ قاتىسۋىمەن وتىنىمدەر سالىنعان كونۆەرتتەردى اشادى. 16. ۇيىمداستىرۋشى كونۆەرتتەردى اشۋ حاتتاماسىن بەس جۇمىس كۇنى ىشىندە جاسايدى. كونۆەرتتەردى اشۋ حاتتاماسىنا كوميسسيا توراعاسى, قاتىسىپ وتىرعان مۇشەلەرى جانە حاتشىسى قول قويادى. 17. كوميسسيا ۇسىنىلعان وتىنىمدەردى قاراپ, كونۆەرت اشىلعان كۇننەن باستاپ ون جۇمىس كۇنىنەن اسپايتىن مەرزىمدە كونكۋرس قورىتىندىسىن شىعارادى. 18. ۇمىتكەردىڭ جانە /نەمەسە/ ونىڭ ۋاكىلەتتى وكىلىنىڭ كوميسسيا وتىرىستارىنا قاتىسپاۋى سەبەبىنەن كونكۋرستىق ءوتىنىم قايتارۋعا جول بەرىلمەيدى. 19. كونكۋرس بويىنشا شەشىمدەر اشىق داۋىس بەرۋ ارقىلى قابىلدانادى جانە قاتىسقان كوميسسيا مۇشەلەرىنىڭ جالپى سانىنان كوپشىلىك داۋىس بەرگەندە قابىلداناتىن بولىپ ەسەپتەلەدى. داۋىستار تەڭ بولعان جاعدايدا توراعالىق ەتۋشىنىڭ داۋسى شەشۋشى بولىپ ەسەپتەلەدى. كوميسسيا شەشىم قابىلدايتىن كەزدە حاتشىنىڭ داۋىس بەرۋگە قۇقىعى جوق. 20. تاقىرىپتىق باعىتى مەن جانرلىق اراقاتىناسى, مەنشىكتى تەلە-, راديوباعدارلامالارىنىڭ, ساتىپ الىناتىن تەلە-, راديوباعدارلامالار مەن رەترانسلياتسيانىڭ كولەمى, مەملەكەتتىك تىلدە حابار تاراتۋ كولەمى, ورتاشا تاۋلىكتىك حابار تاراتۋ ۋاقىتى, كادرلىق الەۋەتى جەڭىمپازداردى انىقتاۋ كەزىندەگى ىرىكتەۋ كريتەريلەرى بولىپ تابىلادى. 21. كونكۋرس قورىتىندىسى كوميسسيا توراعاسى مەن مۇشەلەرى قول قويعان حاتتامامەن رەسىمدەلەدى. كونكۋرس قورىتىندىلارى تۋرالى اقپاراتتىق حابارلاما ەكى جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ www.mid.gov.kz ينتەرنەت-رەسۋرسىندا جاريالانادى. تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرس وتكىزۋ قاعيدالارىنا 1-قوسىمشا نىسان قازاقستان رەسپۋبليكاسى تەلەراديو حابارلارىن تاراتۋدى دامىتۋ ماسەلەلەرى جونىندەگى كوميسسيانىڭ توراعاسىنا تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىنە قوسۋعا ءوتىنىم جالپى مالىمەتتەر: 1. زاڭدى تۇلعانىڭ تولىق اتاۋى / جەكە تۇلعانىڭ ت.ا.ءا.ا. _______________________________________________________________ 2. زاڭدى مەكەنجايى: _______________________________________________________________ 3. تەلەفون, فاكس نومىرلەرى: _______________________________________________________________ 4. تەلە-, راديوارنانىڭ اتاۋى: _______________________________________________________________ 5. تاقىرىپتىق باعىتى: _______________________________________________________________ 6. تاراتۋ اۋماعى: _______________________________________________________________ 7. كوپارنالى حابار تاراتۋ ورتاسى (تسيفرلىق ەفيرلى/سپۋتنيكتىك): _______________________________________________________________ ءبىرىنشى باسشىنىڭ/ دارا كاسىپكەردىڭ قولى مو 20__ ج. «___»___________ (بار بولعان جاعدايدا) تەلەراديو حابارلارىن تاراتۋدىڭ ۇلتتىق وپەراتورى تاراتاتىن ەركىن قولجەتىمدى تەلە-, راديوارنالاردىڭ تىزبەسىن قالىپتاستىرۋ بويىنشا كونكۋرس وتكىزۋ قاعيدالارىنا 2-قوسىمشا ۇمىتكەرلەردىڭ كونكۋرستىق ۇسىنىستارى ۇمىتكەرلەردىڭ كونكۋرستىق ۇسىنىستارى مىناداي بولىمدەردى قامتۋى ءتيىس: شىعارماشىلىق ۇسىنىستار ۇمىتكەر مىنالاردى ۇسىنادى: تەلە-, راديوارنالنى تاراتۋ تورى (كەلەسى ايعا); مىنا مالىمەتتەردەن تۇراتىن اقپارات: 1) تەلە-, راديوارنانىڭ تاقىرىپتىق باعىتى مەن ولاردىڭ جانرلىق اراقاتىناسى (اقپاراتتىق, تالدامالىق, پۋبليتسيستيكالىق, جاستارعا جانە بالالارعا ارنالعان, مۋزىكالىق تەلە-, راديوباعدارلامالار مەن كوركەم, دەرەكتى فيلمدەر); 2) حابار تاراتۋدىڭ تىلدىك اراقاتىناسى, مەملەكەتتىك تىلدەگى تەلە-, راديوباعدارلامالاردى ترانسلياتسيالاۋ ۋاقىتى; 3) مەنشىكتى تەلە-, راديوباعدارلامالاردىڭ, ساتىپ الىناتىن تەلە-, راديوباعدارلامالار مەن رەتراسلياتسيانىڭ اراقاتىناسى; 4) ورتاشا تاۋلىكتىك تاراتۋ ۋاقىتى; 5) شىعارماشىلىق جانە تەحنيكالىق جۇمىسكەرلەردىڭ ساندىق ماندەگى كادرلىق الەۋەتى. تەحنيكالىق ۇسىنىستار ۇمىتكەر مىنالاردى ۇسىنادى: تەلە-, راديوباعدارلامالار ءوندىرىسىنىڭ ستاتسيونارلىق ستۋديالىق جابدىعىنىڭ بولۋى, جاي-كۇيى جانە ءتۇرى تۋرالى اقپارات; اپپاراتتىق-ستۋديالىق كەشەننىڭ تەحنيكالىق سيپاتتامالارى; دىبىسى مەن بەينەسىنىڭ ساپاسى جوعارى تەلە-, راديوباعدارلامالاردا ەفيرگە بەرۋ جونىندەگى مىندەتتەمە; ستۋديالىق كەشەننىڭ ورنالاسقان جەرى, تەلە-, راديوارنانى ۇلتتىق وپەراتوردىڭ جەلىسىنە دەيىن بەرۋ ءتاسىلى تۋرالى اقپارات; سيگنالدىڭ (تەلە-, راديوارنانىڭ) ۇلتتىق وپەراتوردىڭ جەلىسىنە دەيىن جەتۋىن قامتاماسىز ەتۋ جونىندەگى مىندەتتەمە. قارجىلىق ۇسىنىستار تولەم قابىلەتتىلىگىن راستايتىن قۇجاتتار: 1) بانك نەمەسە بانك فيليالى الدىندا انىقتاما بەرىلگەن كۇننەن بۇرىن ءۇش ايدان استام مەرزىمى وتكەن بەرەشەگىنىڭ بولماۋى تۋرالى قول قويىلعان جانە ءمور باسىلعان بانك نەمەسە بانك فيليالى انىقتاماسىنىڭ تۇپنۇسقاسى; 2) ءبىرىنشى باسشى نەمەسە ونى الماستىراتىن تۇلعا قول قويعان سوڭعى قارجى جىلىنداعى بۋحگالتەرلىك تەڭگەرىمنىڭ تۇپنۇسقاسى نەمەسە نوتاريالدى كۋالاندىرىلعان كوشىرمەسى; تەحنيكالىق قىزمەت كورسەتۋگە, شتاتتى ۇستاۋعا جانە باسقا دا كاپيتالدىق سالىمداردىڭ جالپى شىعىندارىن كورسەتۋ. ۇمىتكەر ءوزىنىڭ پىكىرى بويىنشا كوميسسياعا كونكۋرستىق ۇسىنىستى بارىنششا وبەكتيۆتى تۇردە باعالاۋعا مۇمكىندىك بەرەتىن, كونكۋرستىڭ ءمانى بويىنشا كەز كەلگەن مالىمەتى بار قوسىمشا قۇجاتتاردى ۇسىنا الادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015جىلعى 4 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 11272 بولىپ ەنگىزىلدى.